South island: from Queenstown to Milford Sound

Vun Wanaka sinn ech op Queenstown gefuer. De Wee dohin war net weider spektakulär: et huet riicht era gereent an et ass iwert gefillt 1000 Kéieren de Bierg erop an dun nees de Bierg eroof gang.

Zu Queenstown war d'Wieder awer besser an ech hun et richteg flott do fonnt. Queenstwon läit um Lake Wakatipu. D'wasser vum Séi ass richteg schéin hell blo an ganz kloer. An baal vun iwerall gesäit een op de Séi an op d'Bierger.



Ech hu mech direkt an dei Vue verléift an ginn ganz sëcher nach eng Kéier op Queenstown!
Wei zu Wanaka gëtt engem hei ganz vill gebueden. Ech hun awer guer net vill gemach ausser d'Vue genoss, well ech mech vu mengem Muskelkater erholl hun.

Zu Queenstown hun ech dun och den éischten Schnei fir dëst joer gesinn. Wei ech ukoum war et schéin an drechen awer kaal. An der Nuecht ass et dun richteg kaal ginn an wei ech moies opgestaan sinn waren d'Spëtzen vun de Bierger wäiss.



Wei schons gesoot, war ech éischter inaktiv, zu Queenstown. Ech sinn nëmmen e bessi spazéieren gang an hun d'Vue genoss. Fir d'Bierger nach besser ze gesinn, sinn ech och mat der Gondel gefuer.


Kuerz hannert Queenstown fënnt een dann den Diamond Lake an e klengt Dierfchen wat Paradise heescht.




An de Pilz?
De Pilz a säin klengen Brudder hun Queenstown och ganz flott fonnt. Wei mer mat der Gondel gefuer sinn konnten se net roueg sëtze bleiwen an se sinn duerch d'Gondel geklotert fir dei bäschten Vue ze hun.



Uewen ukomm wollten se dann och direkt eng Foto mam schéinen Hannergrond.


Wei mer zu Queenstown duerch de Bësch spazéiert sinn, sinn mer och engem Cousin vun hinne begeint. Sie waren esou begeeschtert, dass se en wollten mat op d'Rees huelen. No langen Diskussiounen hun mer hieren Cousin dun awer am Bësch geloos.


Milford Sound

Vun Queenstown aus kann een en op Milford Sound am Fiordland fueren. Och wann et Milford Sound heescht, ass et en Fjord. Dat heescht, dass et duerch Gletscher dei geschmollt sinn entaan ass.
Um Wee dohin sinn ech dem een oder anren Kea begeint. De Kea ass en Papagei, deen an dëser Geigend wunnt an em 50cm grouss ass. Se sinn net schei a machen regelmeisseg Autoen futi well se d'Dichtungen erausrappen.


Wann een bis zu Milford Sound ukomm ass, huet een de Choix mam Schëff oder mam Helikopter de Fjord ze entdecken. Et huet keen wärt dohin ze fueren wann een net wëlles huet en Tour mam Schëff oder mam Helikopter ze machen, well zu Milford Sound selwer gëtt et näischt ze kucken oder ze machen.
Ech hun decideiert en Tour mam Schëff ze machen. D'wieder huet och matgespillt an et huet net gereent. Zu Milford Sound reent et an der Moyenne 250 Deeg am Joer! Während 2 Stonnen sinn mer um Wasser geschippert an hun d'Natur ronderem bewonnert.







Zum Schluss sinn mer souguer e puer Delphiner begeint. Dat hei ass dei beschten Foto dei ech hun...wëll Delphiner haalen net stall fir dass en Tourist eng Foto kann machen!










Comments

Post a Comment

Popular posts from this blog

South island: from Christchurch to Wellington

Image
De läschten Deel vu menger Rees huet mech vun Christchurch op Wellington gefouert. Um Wee dohin sinn ech nach zu Kaikoura an zu Blenheim stoen bliwen. Kaikoura ass e klengt roueg Dierfchen direkt um Mier. Wat mir immens gut gefall huet ass, dass een souwuel d'Bierger (souguer mat e bessi Schnéi) gesäit an d'Mier. Zu Kaikoura kann een och mam Schëff op d'Mier eraus fueren fir Delphiner an Waler ze gesinn. Ech hun dëst awer net gemach well et immens deier war. En plus ass d'Chance fir e Wal ze gesinn am Abrëll éischter kleng an Delphiner hat ech jo schons zu Milford Sound gesinn. Dëst heescht awer net, dass ech keng Déieren gesinn hun. Zu Kaikoura leien d'Séileiwen nämlech iwerall!!!! Ech hat dat zwar a mengem Guide gelies, hat et awer net gegleeft. Wei ech moies gemitterlech lanscht d'Wasser getrëppelt sinn, hun ech dunn awer gemierkt, dass et tatsächlech wouer ass. Maten um Trëppelwee luch en stenkegen an richteg decken Séileiw ze schloofen. Ech ...
Read more

Wat gëtt et neits?

Image
Ech sinn elo zanter e bessi mei wei 7 Méint hei an Neiséiland! Dass ech en tour ronderem d'Südinsel gemach hun an mech do richteg gut amèséiert hun wëss der jo, mee wat ass durno geschitt? Schon während mengem Tour hat ech en Interview mat der Auckland Grammar School! Well dat mäin éischten richtegen Interview fir eng Platz war, war ech immens nervös an iwerzeecht dass dei Sach total an d'Box gang ass. Dat war awer net esou! En dag no mengem Interview hun se mer ugeruff fir mer eng Platz unzebidden an ech war mei wei frou fir se unzehuelen!!! Ech hat och nach Demanden un aner Schoulen gescheckt, mee Auckland Grammar huet mech vun ufank un faszineiert. Ech wousst dass et eng ganz dichteg Schoul ass, dei jidereen an Neiséiland kennt! (Dat ass keen Witz! Egal wou ech sinn an erzielen dass ech do Proff sinn kënnt als Äntwert: Oh! oder Wow! an durno kreien ech erzielt ween d'Leit kennen deen do an d'Schoul gang ass). En plus ass et eng reng Jongeschoul an dat huet mec...
Read more

Neuseeland ABC

Image
Am ABC probéieren ech vun deenen Sachen ze schwätzen déi anescht sinn wei doheem, déi et doheem guer net gëtt oder déi hei anescht heeschen. A wéi... Alkohol : Den Dronkaard an mir ass ëmmer nees verwonnert iwert d'Regelen dei et hei gëtt wann et em Alkohol geht. Am supermarché kann nëmmen eng Persoun den Accord ginn fir den Alkohol ze verkaafen. Den Caisier dreckt dofir op eng Schell, dann kënnt eng Persoun a kuckt op ech a) aal genuch sinn an b) den Alkohol net fir eng Persoun ënnert 18 Joer kaafen. Fir mech heescht dat, dass ech all Kéiers mäin pass muss weisen (meng Carte d'identité gëtt net acceptéiert) well ech ausgesinn wei wann ech manner wei 24 Joer hun. D'Regel seet dass all Persoun dei ausgesäit wei wann se manner wei 24 Joer huet muss eng valabel Pièce d'identité weisen fir den Alkohol kënnen ze kaafen. Eng Ausnahm machen se net! Hätt ech Kanner, mist ech se am Auto loosen wann ech Alkohol kaafen. Firwat? Wann een Kanner bei sëch huet, besonne...
Read more