Waiheke Island

Eng hallef Stonn mam Schëff vun Auckland ewech läit Waiheke Island. Et ass eng wonnerschéin Insel an et kann een baal iwerall stoen bleiwen fir d'Vue ob d'Mier ze genéissen. Leider hun dat och dei reich Leit gemierkt an dofir sinn d'Präiser fir Haiser op Waiheke Island an de läschten Joeren explodéiert. Ennert 1 Millioun kritt een hei näischt ze kaafen a wann dach, dann ass et eng Baraque dei komplett muss frësch gemach ginn. An all Katalog iwwert Waiheke Island machen se Reklamm dass een baal iwwerall eng "million Dollar view" huet...dat kann een wuel wuertwiedlech huelen!

Op Waiheke Island ginn et ganz vill Kellereien an déi een därf kucken a schmachen goen. Ech hun esouwuel wäissen wei och rouden Wäin geschmacht a souguer een Rosé an se hu mer baal all ganz gut geschmacht!

Op Waiheke Island gëtt et en Duerf dat Ostend heescht. An dësem Duerf gëtt et och d'Belgium Street. Ostend ass tatsächlech noom Oostende aus der Belge benannt, dëst well anscheinend am 1. Weltkrich vill Neiséilänner aus Oostende evakuéiert goufen eier déi Däitsch agefall sinn.
Oostende huet awer mei ze bidden wei Ostend op Waiheke Island!

Fir déi déi en nach net kennen: de Pilz ass och mat mir ënnerwee. Hien huet sëch haut e bessi doniervt beholl (wei ëmmer) well en ze déif an d'Glas gekuckt huet...















Comments

Post a Comment

Popular posts from this blog

South island: from Christchurch to Wellington

Image
De läschten Deel vu menger Rees huet mech vun Christchurch op Wellington gefouert. Um Wee dohin sinn ech nach zu Kaikoura an zu Blenheim stoen bliwen. Kaikoura ass e klengt roueg Dierfchen direkt um Mier. Wat mir immens gut gefall huet ass, dass een souwuel d'Bierger (souguer mat e bessi Schnéi) gesäit an d'Mier. Zu Kaikoura kann een och mam Schëff op d'Mier eraus fueren fir Delphiner an Waler ze gesinn. Ech hun dëst awer net gemach well et immens deier war. En plus ass d'Chance fir e Wal ze gesinn am Abrëll éischter kleng an Delphiner hat ech jo schons zu Milford Sound gesinn. Dëst heescht awer net, dass ech keng Déieren gesinn hun. Zu Kaikoura leien d'Séileiwen nämlech iwerall!!!! Ech hat dat zwar a mengem Guide gelies, hat et awer net gegleeft. Wei ech moies gemitterlech lanscht d'Wasser getrëppelt sinn, hun ech dunn awer gemierkt, dass et tatsächlech wouer ass. Maten um Trëppelwee luch en stenkegen an richteg decken Séileiw ze schloofen. Ech ...
Read more

Wat gëtt et neits?

Image
Ech sinn elo zanter e bessi mei wei 7 Méint hei an Neiséiland! Dass ech en tour ronderem d'Südinsel gemach hun an mech do richteg gut amèséiert hun wëss der jo, mee wat ass durno geschitt? Schon während mengem Tour hat ech en Interview mat der Auckland Grammar School! Well dat mäin éischten richtegen Interview fir eng Platz war, war ech immens nervös an iwerzeecht dass dei Sach total an d'Box gang ass. Dat war awer net esou! En dag no mengem Interview hun se mer ugeruff fir mer eng Platz unzebidden an ech war mei wei frou fir se unzehuelen!!! Ech hat och nach Demanden un aner Schoulen gescheckt, mee Auckland Grammar huet mech vun ufank un faszineiert. Ech wousst dass et eng ganz dichteg Schoul ass, dei jidereen an Neiséiland kennt! (Dat ass keen Witz! Egal wou ech sinn an erzielen dass ech do Proff sinn kënnt als Äntwert: Oh! oder Wow! an durno kreien ech erzielt ween d'Leit kennen deen do an d'Schoul gang ass). En plus ass et eng reng Jongeschoul an dat huet mec...
Read more

Neuseeland ABC

Image
Am ABC probéieren ech vun deenen Sachen ze schwätzen déi anescht sinn wei doheem, déi et doheem guer net gëtt oder déi hei anescht heeschen. A wéi... Alkohol : Den Dronkaard an mir ass ëmmer nees verwonnert iwert d'Regelen dei et hei gëtt wann et em Alkohol geht. Am supermarché kann nëmmen eng Persoun den Accord ginn fir den Alkohol ze verkaafen. Den Caisier dreckt dofir op eng Schell, dann kënnt eng Persoun a kuckt op ech a) aal genuch sinn an b) den Alkohol net fir eng Persoun ënnert 18 Joer kaafen. Fir mech heescht dat, dass ech all Kéiers mäin pass muss weisen (meng Carte d'identité gëtt net acceptéiert) well ech ausgesinn wei wann ech manner wei 24 Joer hun. D'Regel seet dass all Persoun dei ausgesäit wei wann se manner wei 24 Joer huet muss eng valabel Pièce d'identité weisen fir den Alkohol kënnen ze kaafen. Eng Ausnahm machen se net! Hätt ech Kanner, mist ech se am Auto loosen wann ech Alkohol kaafen. Firwat? Wann een Kanner bei sëch huet, besonne...
Read more